Myanmar IT Resource Forum
DevCon 2011 - Yangon မြန်မာနိုင်ငံရဲ့ ပထမဦးဆုံး Developer Conference ကို ၂၀၁၁ ခုနှစ် ဩဂုတ်လ (၂၀) ရက်နေ့နဲ့ (၂၁) ရက်နေ့တို့မှာ ကျင်းပပြုလုပ်တော့မှာဖြစ်ပါတယ်။ ကွန်ပျူတာပညာရှင်အသင်း (MCPA) က ဦးဆောင်စုစည်းပေးတဲ့ Conference ဖြစ်ပါတယ်။ Software Developer တွေနဲ့ MCPA EC တွေ ပူးပေါင်းပြီး DevCon 2011 - Yangon Working Group ကို လွန်ခဲ့တဲ့ (၃) လလောက်ကတည်းက ကြိုတင်ဖွဲ့စည်းဆောင်ရွက်ခဲ့တာ ဖြစ်ပါတယ်။ ရည်ရွယ်ချက် ဒီ Conference ရဲ့ ရည်ရွယ်ချက်ကတော့၊ လက်ရှိလုပ်ငန်းခွင်ထဲက Software Developer တွေ တစ်ဦးနဲ့တစ်ဦး အတွေ့အကြုံတွေ၊ နည်းပညာတွေ အပြန်အလှန်ဝေမျှနိုင်ဖို့ အတွက် စုစည်းပေးခြင်းပဲဖြစ်ပါတယ်။ Conference ခေါင်းစဉ်ကို Better Developers for Better Software Development လို့ပေးထားပါတယ်။ နှစ်ရက်တာကျင်းပမယ့် ဒီပွဲမှာ စာတမ်းဖတ်ကြားတဲ့ပုံစံ၊ Presentation ပုံစံ၊ Workshop ပုံစံ စသဖြင့် ဆွေးနွေးပွဲတွေကို ပုံစံစုံနဲ့ ပြုလုပ်သွားကြမှာဖြစ်ပါတယ်။ Software Industry ထဲမှာ လက်ရှိလုပ်ကိုင်နေကြတဲ့ ပညာရှင်တွေကိုလည်း မိမိတို့အတွေ့အကြံတွေ နည်းပညာတွေကို ဝေမျှပေးဖို့ Paper/Presentation တွေ ဖိတ်ခေါ်ခဲ့ပါတယ်။ တင်သွင်းနိုင်မယ့် Paper/Presentation အမျိုးအစားတွေကို (၇) မျိုး ခွဲခြားထားပေးပါတယ်။ တင်သွင်းသူက အမျိုးအစားတစ်ခုခုနဲ့ ကိုက်ညီတာကို တင်သွင်းဖို့သတ်မှတ်ထားပေမယ့် လက်တွေ့မှာ Software Development နဲ့ ဆက်စပ်တဲ့ မည်သည့် Paper/Presentation မဆို တင်ပြဆွေးနွေးလို့ရပါတယ်။ ခွဲခြားပေးထားတဲ့ အမျိုးအစားတွေကတော့ - Developer Solution Techniques Development Best Practices Software Testing and Quality Control Process Software Security Best Practices Latest Technical Trends Software Industry Challenges Skill Standards for Software Industry စသည်တို့ ဖြစ်ကြပါတယ်။ Paper/Presentation တင်သွင်းသူတွေထဲမှာ ဦးဇော်မိုးသန့်၊ ဦးအောင်အောင်တို့လို ပညာရှင်တွေပါသလို ကိုရာဗီ၊ ကိုထူးမြင့်နောင်တို့လို ပညာရှင်တွေလည်း ပါပါတယ်။ ကိုအောင်စည်သူကျော်၊ ကိုမြင့်ကျော်သူတို့လို ပညာရှင်တွေပါသလို ACE, Inforithm-Maze, KMD တို့လို လုပ်ငန်းတွေက Software Developer တွေလည်း ပါဝင်ပါတယ်။ စုစုပေါင်း Paper/Presentation (၃၉) ခုကို ပညာရှင် (၃၀) ဦးက တင်ပြဆွေးနွေးသွားမှာ ဖြစ်ပါတယ်။ Paper/Presentation စာရင်းအပြည့်အစုံကို devconmyanmar.org မှာ သွားရောက်ကြည့်ရှုနိုင်ပါတယ်။ အခြားအခြားသော ပြည်တွင်းပြည်ပက ပညာရှင်များကိုလည်း သီခြားဖိတ်ကြားထားပါတယ်။ ကွန်ပျူတာတက္ကသိုလ်က စာတမ်းရှင်များကိုလည်း ဖိတ်ကြားထားပြီး Workshop တွေကိုလည်း ထည့်သွင်းပြုလုပ်သွားမှာ ဖြစ်ပါတယ်။ ဒီလို Softwre နဲ့ပက်သက်တဲ့ နယ်ပယ်စုံက ပညာရှင်တွေကို စုစည်းဖို့က ဒီ Conference ရဲ့ အဓိကရည်ရွယ်ချက်ပဲ ဖြစ်ပါတယ်။ လက်လွတ်မခံသင့်တဲ့ပွဲ ပညာရှင်တွေက အနာဂတ်နည်းပညာတွေ၊ မိမိတို့ရဲ့လက်တွေအတွေ့အကြုံတွေ၊ မိမိတို့ရဲ့ Software Solution တွေနဲ့ အခြားသော စိတ်ဝင်စားဖွယ်အကြောင်းအရာတွေကို အပြန်အလှန်ဝေမျှဆွေးနွေးကြမှာဖြစ်တဲ့အတွက် ဒီနေ့မှာ ရလိုက်တဲ့ပညာတွေက တစ်ခြားမှာသွားရှာဖို့မလွယ်တဲ့ ပညာတွေ ဖြစ်နိုင်ပါတယ်။ နောက်တစ်ကြိမ်လိုချင်လို့ မရနိုင်တဲ့ ပညာတွေဖြစ်နိုင်ပါတယ်။ ပထမအကြိမ်ပြုလုပ်တဲ့ Developer Conference ဖြစ်တာနဲ့အညီ ဒီလိုအခွင့်အရေးမျိုးက ကြုံရခဲပါတယ်။ ကျွန်တော့်အနေနဲ့ အခြားပညာရှင်တွေဆီက သူတို့ရဲ့အတွေ့အကြုံတွေကို ဖြစ်နိုင်မယ်ဆိုရင် အမြဲသိချင်ပါတယ်။ သူတို့ဘယ်လိုအလုပ်လုပ်ကြသလဲ၊ လက်တွေ့ပြဿနာတွေကို ဘယ်လိုဖြေရှင်းကြသလဲဆိုတာကို တစ်ယောက်ချင်းလိုက်မေးနေစရာမလိုပဲ တစ်နေရာထဲမှာ သိခွင့်၊ ဆွေးနွေးခွင့်ရမယ်ဆိုတဲ့ အခွင့်အရေးကို တစ်ကယ်ပဲ စိတ်လှုပ်ရှားမိပါတယ်။ ဒါကြောင့်လည်း ဒီပွဲဖြစ်မြောက်ဖို့အတွက် ကျွန်တော့်အနေနဲ့ တက်နိုင်တဲ့ဘက်က ဝိုင်ဝန်းကူညီဖြစ်ခဲ့ပါတယ်။ Software Developer တွေအနေနဲ့ ဒီအခွင့်အရေးမျိုးကို လက်လွတ်မခံသင့်သလို၊ Software လုပ်ငန်းရှင်တွေအနေနဲ့လည်း ဝန်ထမ်းတွေရဲ့ ဘက်စုံအရည်အသွေးကို တိုးမြှင့်ခွင့်ရမယ့် ဒီပွဲကို တက်ရောက်ကြဖို့ မိမိတို့ ဝန်ထမ်းတွေကို တိုက်တွန်းခြင်း၊ တက်ရောက်နိုင်ရန်စီစဉ်ပေးခြင်းများ ပြုလုပ်သင့်ပါတယ်။ အစီအစဉ် နှစ်ရက်ကျင်းပပြုလုပ်မယ့် အစီအစဉ်စာရင်း အသေးစိတ်နဲ့ အချိန်စာရင်းကို devconmyanmar.org မှာပဲ သွားရောက်ကြည့်ရှုနိုင်ပါတယ်။ အကြမ်းဖျင်းအစီအစဉ်ကတော့ အောက်ပါအတိုင်းဖြစ်ပါတယ်။ ကျင်းပမည့် နေ့ရက် - ဩဂုတ်လ (၂၀) ရက်နေ့နှင့် (၂၁) ရက်နေ့ - စနေ၊ တနင်္ဂနွေ ကျင်းပမည့် အချိန် - နံနက် (၉) နာရီမှ ညနေ (၅) နာရီအထိ ကျင်းပမည့် နေရာ - Myanmar Info-Tech မှတ်ပုံတင်စာရင်းသွင်းခြင်း ဒီ Conference ကိုတက်ရောက်လိုသူများအနေနဲ့ ကြိုတင်စာရင်းပေးသွင်းဖို့လိုအပ်ပါတယ်။ စာရင်းပေးသွင်းဖို့အတွက် Myanmar Info-Tech အဆောင် (၄) အခန်း (၄) MCPA ရုံးခန်းမှာ စာရင်းပေးသွင်းနိုင်သလို Online ကနေလည်း စာရင်းပေးသွင်းနိုင်ပါတယ်။ မှတ်ပုံတင်ကြေး (၃၀၀၀) ကျပ်ပေးသွင်းဖို့ လိုအပ်ပါတယ်။ ဒီပွဲတက်ရောက်သူတွေကို အခမဲ့ရလို့ ဘာရယ်မဟုတ်ဖူး လာလိုက်တယ်ဆိုတဲ့သူတွေ မဖြစ်စေချင်တဲ့အတွက် မများသောနှုံးထားတစ်ခုကို မှတ်ပုံတင်ကြေးအနေနဲ့ ကောက်ယူရခြင်းဖြစ်ပါတယ်။ အမှန်တစ်ကယ် တက်ရောက်ဆွေးနွေးလိုသူများသာ တက်ရောက်လာခြင်းဖြစ်စေချင်လို့ ဖြစ်ပါတယ်။ MCPA ရုံးခန်းမှာ စာရင်းပေးသွင်းမယ်ဆိုရင် မှတ်ပုံတင်ကြေးကို တစ်ပါတည်း ပေးသွင်းနိုင်ပြီး၊ Online ကနေ စာရင်းပေးမယ်ဆိုရင်တော့ ပွဲနေ့မှာ ငွေသွင်းပြီး ID Card ထုပ်ယူနိုင်မှာဖြစ်ပါတယ်။ ကြိုတင်စာရင်းပေးသွင်းထားသူများအနေနဲ့ ရရှိမယ့်လက်ဆောင်တွေကို ပွဲနေ့မှာ တစ်ပါတည်းထုပ်ယူနိုင်မှာဖြစ်ပါတယ်။ လက်ဆောင်တွေကို ကြိုတင်စီစဉ်ရမှာဖြစ်လို့ ဩဂုတ်လ (၁၇) ရက်နေ့နောက်ပိုင်းမှ စာရင်းပေးသွင်းသူတွေအနေနဲ့ ပွဲနေ့မှာ လက်ဆောင်ထုတ်ယူနိုင်မှာမဟုတ်ပဲ၊ ပွဲပြီးနောက်ပိုင်းမှသာ ထုတ်ယူရရှိနိုင်မှာဖြစ်ပါတယ်။ မှတ်ချက် ။ ။ ဤ note သည် တရားဝင်သတင်းထုတ်ပြန်ချက် မဟုတ်ပါ။ DevCon 2011 - Yangon တွင် ပါဝင်ဆွေးနွေးမည့်သူတစ်ဦး၏ မှတ်စုတစ်ခုသာဖြစ်ပါသည်။ Links DevCon 2011 - Yangon Home Page (devconmyanmar.org) အချိန်စာရင်း အသေးစိတ် (devconmyanmar.org/schedule-detail) တင်ပြဆွေးနွေးမည့် Speakers စာရင်း (devconmyanmar.org/category/speakers) တင်ပြဆွေးနွေးမည့် ခေါင်းစဉ်များစာရင်း (devconmyanmar.org/titles) Online မှ စာရင်းပေးသွင်းထားသူများ စာရင်း (devconmyanmar.org/registrants) Original Note by Ko Ei Maung: https://www.facebook.com/notes/ei-maung/devcon-2011-yangon/10150312667817328 Comments: 0 Who is online? In total there are 81 users online :: 0 Registered, 0 Hidden and 81 Guests :: 2 Bots None Most users ever online was 553 on 19th January 2011, 1:57 am Social bookmarking ဖိုရမ်အခြေအနေ ခေါင်းစဉ်ခွဲများ - 231 ခု | ဆွေးနွေးချက်ခေါင်းစဉ်များ - 2775 ခု | ပြန်စာစုစုပေါင်း - 15836 ခုု အသင်းသားစုစုပေါင်း :: 4126 ဦး နောက်ဆုံးမှတ်ပုံတင်သောသူ :: https://myanmaritresource.darkbb.com/u4143 Site အတွင်းသို့ တစ်ပြိုင်နက်ထဲ အများဆုံးအသုံးပြုသွားသော အရေအတွက် :: 553 ယောက်သည် (19th January 2011, 1:57 am အချိန်တွင်ဝင်ရောက်ခဲ့ခြင်းဖြစ်သည်) | Latest topics» wow 3.3.5 by Guest 27th September 2014, 3:59 pm » virtual box နဲ.virtual network ဘယ္လိုcreate လုပ္တယ္ဆိုတာေၿပာၿပႀကပါ by udku 11th August 2013, 10:40 am » ကြ်န္ေတာ္က fedora သမားပါ by saellaellaylay 9th December 2012, 10:30 am » က်ေနာ္တုိ႔ဆုိင္မွာ ဆာဗာ ထုိင္ျပီးကတည္းက IDM(internet download manager) သုံးလုိ႔မရေတာ့၀ူးဗ် [Problem] by omiga 14th November 2012, 12:02 am » ICT/Database Administrator တစ္ဦးအလုိရွိသည္။ by bluehack 25th September 2012, 7:02 pm » မေးမယ် ၊ ဖြေမယ် by Pho Nanda 24th May 2012, 1:06 pm » Mac Os ပြသနာရှိရင် [Problem] by MMH 18th May 2012, 3:20 pm » SIM MESSAGE CENTER ထဲမှာရှိတဲ့ +95 နဲ့စတဲ့ ဂဏာန်းတွေအကြောင်း by Htet Naing 13th May 2012, 10:29 am » လြယ္လြယ္ေလးေရးႏိုင္မယ့္ Autoit by ZeRoSkY 28th April 2012, 9:05 am » Shortcut Arrow ေတွမျက်စိရှုပ်နေလား by ZeRoSkY 28th April 2012, 8:06 am » သင့် NOKIA ဖုန်းကိုဘယ်လိုစစ်မလဲ by devil.devil42 18th April 2012, 7:42 pm » Wack Wall ( Like as Ning ) [Blog] by laminphyulin 16th April 2012, 4:13 pm » window7 နှင့် xp နှစ်ခုတင်ချင်လို့ by Fox 31st March 2012, 6:18 pm » window 7Ultimate local ပါပျောက်ပြီးဘယ်လိုမှချိတ်မရတော့လို့ပါ by Fox 31st March 2012, 6:13 pm » How can I buy a domain name from myanmar by laminphyulin 24th March 2012, 9:16 pm Most active topics Most Viewed Topics Log in Top posting users this week
Top posting users this month
Top posters Keywords |
|
|